Diwygio Rhaglen Astudio Bresennol

Dylai’r holl raglenni newid dros amser i ddilyn ymchwil, pynciau, tueddiadau a newidiadau allanol presennol (megis gofynion Cyrff Proffesiynol); ac efallai’n bwysicach na dim, newidiadau i’r galw yn y farchnad gan fyfyrwyr a chyflogwyr er mwyn sicrhau bod rhaglenni’n parhau i recriwtio. Os nad yw rhaglenni’n recriwtio’n effeithiol, gall fod yn rhaid eu gohirio neu eu tynnu’n ôl ond gall sicrhau bod eich rhaglen cystal â phosib ar bob adeg sicrhau y bydd yn parhau i lwyddo.

I alluogi newidiadau i raglenni heb ymgymryd â phroses ail-gymeradwyo gyflawn, mae’r brifysgol yn caniatáu i agweddau penodol gael eu newid – dyma’r broses ‘Diwygio Rhaglen Bresennol’. Goruchwylir y broses hon gan y Pwyllgor Safonau ac Ansawdd Academaidd, ond fe’i rheolir gan y Pwyllgor Cymeradwyo Rhaglenni a Phwyllgor Dysgu ac Addysgu’r Coleg/y Pwyllgor Ymchwil. Fel yn achos yr holl agweddau ar ddylunio ac adolygu’r rhaglen, dylai myfyrwyr a chyflogwyr fod yn rhan o’r holl broses.

Fel yn achos newidiadau i  gynnyrch, mae’n rhaid i’r holl newidiadau gael eu hadolygu a’u cymeradwyo gan y Brifysgol cyn y gellir eu lansio’n swyddogol ar gyfer myfyrwyr. Mae hyn yn sicrhau bod y newidiadau’n parhau i fodloni safonau a disgwyliadau’r Brifysgol, a gofynion y Disgrifyddion Cymwysterau a datganiadau meincnodau pynciau’r ASA, ynghyd â gofynion cyrff proffesiynol, statudol a rheolaethol. Mae dwy lefel o gymeradwyaeth (y Coleg a’r Brifysgol), ac mae gan y Brifysgol ymagwedd gymesurol sy’n seiliedig ar risgiau at gymeradwyo. 

Mae’r tabl canlynol yn darparu rhestr nad yw’n gynhwysfawr o newidiadau a fyddai’n cychwyn y broses Ddiwygio Rhaglen Bresennol.

Byddai unrhyw un o’r newidiadau a restrir yn gofyn am gymeradwyaeth ar lefel y Coleg neu’r Brifysgol, a byddai  cyfuniad o newidiadau’n debygol o ofyn am gymeradwyaeth gan y Brifysgol. E-bostiwch y Gwasanaethau Ansawdd Academaidd yn quality@abertawe.ac.uk i drafod eich newidiadau arfaethedig a bydd y tîm yn gweithio gyda chi i sicrhau y rhoddir y prosesau cymeradwyo priodol ar waith. 

Os byddai’ch newidiadau arfaethedig yn golygu rhaglen newydd i bob diben, er enghraifft, rydych yn creu amrywiolyn o raglen i’w gyflwyno ochr yn ochr â’r rhaglen rydych yn ei chynnal ar hyn o bryd, ond gyda theitl a chanolbwynt gwahanol, byddai hyn yn golygu rhaglen newydd.

Fodd bynnag, i symleiddio’r broses, gellir creu fersiwn gyfatebol o’ch rhaglen bresennol ar y system Cymeradwyo a Rheoli Rhaglenni i’n galluogi i ddefnyddio’r wybodaeth sylfaenol fel templed i’w ddatblygu. E-bostiwch y Gwasanaethau Ansawdd Academaidd yn quality@abertawe.ac.uk i gael rhagor o wybodaeth.

I gael rhagor o wybodaeth am greu rhaglen newydd, gweler yr adran ynghylch Datblygu Rhaglen Newydd.

Gellir newid eich rhaglen ar unrhyw adeg, ond mae cyfyngiadau ynghylch pryd y gellir gweithredu’r newidiadau ar gyfer myfyrwyr, gan ddibynnu ar natur y newidiadau, oherwydd bod rhaid i raglenni gydymffurfio â gofynion yr Awdurdod Cystadleuaeth a Marchnadoedd a’r gyfraith defnyddwyr.

Ceir yma arweiniad ynghylch pryd y gellir cyflwyno newidiadau, ond e-bostiwch quality@abertawe.ac.uk i gael rhagor o wybodaeth cyn i chi wneud  newidiadau. Mae newidiadau i Raglenni Ymchwil Ôl-raddedig yn fwy hyblyg oherwydd natur y rhaglenni, ond dylid eu gwneud cyn i fyfyrwyr gychwyn ar y rhaglenni.

Sylwer ei bod hi’n bwysig cynllunio newidiadau’n effeithiol, yn enwedig lle mae’r newidiadau hynny mewn ymateb i adborth gwael i fyfyrwyr a gellir gwneud rhai newidiadau yn ystod y flwyddyn os  ystyrir y byddant o fudd i’r myfyrwyr. Dylid trafod yr holl newidiadau a fydd yn effeithio ar fyfyrwyr ar raglen bresennol â’r myfyrwyr cyn rhoi’r newidiadau ar waith.

Yn gyffredinol, bydd y mwyafrif o newidiadau’n gofyn am ryw fath o gymeradwyaeth ffurfiol.  Fodd bynnag, os ydych yn diweddaru ac yn tacluso Manyleb y Rhaglen, yn cywiro mân wallau neu’n diweddaru’r maes llafur neu’r derminoleg i adlewyrchu’r ymchwil ddiweddaraf yn unig, yna nid oes angen cymeradwyaeth ffurfiol arnoch. Mae’r adrannau ‘Pa newidiadau y mae angen i’r Coleg eu cymeradwyo?’ a ‘Pa newidiadau y mae angen i’r Brifysgol eu cymeradwyo?’ yn disgrifio pa newidiadau y mae angen cymeradwyaeth ar eu cyfer.

Os nad ydych yn siŵr, e-bostiwch quality@abertawe.ac.uk i gael rhagor o wybodaeth.

Mae’n rhaid ymgynghori â myfyrwyr presennol y bydd y newidiadau arfaethedig yn effeithio arnynt ac mae’n rhaid iddynt allu mynegi eu barn yn y drafodaeth. Fel arfer, pan fydd myfyrwyr presennol yn gwrthod newidiadau arfaethedig, gellir rhoi’r newid hwnnw ar waith ar gyfer myfyrwyr newydd sy’n cofrestru ar gyfer y rhaglen yn unig a bydd y myfyrwyr presennol yn cwblhau’r rhaglen yn ôl ei strwythur gwreiddiol. Fodd bynnag, mewn achosion lle ceir tystiolaeth eglur sy’n dangos y bydd y newidiadau o fudd sylweddol i fyfyrwyr, dylid cynnal trafodaethau pellach â chynrychiolwyr myfyrwyr.

Os ydych yn cynnig gwneud y newidiadau canlynol, yna gall Pwyllgor Dysgu ac Addysgu’r Coleg eu cymeradwyo (fel y bo’n briodol).

Os ydych yn cynnig gwneud y newidiadau canlynol, yna mae’n rhaid iddynt gael eu cymeradwyo gan Bwyllgor Cymeradwyo Rhaglenni’r Brifysgol ar ôl iddynt gael eu cymeradwyo gan Bwyllgor Dysgu ac Addysgu’r Coleg.

Roedd y Brifysgol yn arfer dweud y byddai angen cymeradwyaeth gan y Brifysgol os byddai rhaglen yn newid mwy na 25% o’i chynnwys. Gellid cymeradwyo  newidiadau gwerth llai na 25% gan y Coleg.  Perodd hyn ddryswch – 25% o beth?  Casgliad cymhleth o wybodaeth yw rhaglen nad oes modd yn hawdd ei throsglwyddo’n ganran. Yn ogystal â hynny, roedd yn bosib newid 25% bob blwyddyn heb oruchwyliaeth gan y Brifysgol – dros gyfnod o 4 blynedd, gallai hyn olygu bod y canlyniad yn rhaglen hollol wahanol i’r hyn a gymeradwywyd! O ganlyniad, nid yw’r Brifysgol yn defnyddio’r ymagwedd hon mwyach ac mae hi wedi penderfynu nodi pa feysydd y gellir eu newid gan y Colegau a pha rai sy’n gofyn am gymeradwyaeth gan y Brifysgol. 

Yn achos  newidiadau y gall y Coleg eu cymeradwyo, diweddarwch y ddogfennaeth berthnasol (e.e. Ffurflen Modiwl) a chyflwynwch hon i Bwyllgor Dysgu ac Addysgu’ch Coleg i’w chymeradwyo.

Yn achos  newidiadau y mae angen i’r Brifysgol eu cymeradwyo, bydd yn rhaid i chi gwblhau ffurflen Diwygio Rhaglen Bresennol. Hefyd, bydd yn rhaid i chi ddiweddaru’ch Manyleb Rhaglen drwy’r system Cymeradwyo a Rheoli Rhaglenni, a gall fod angen i chi ddarparu Mapiau Cwricwlwm, Ffurflenni Modiwlau a Strategaeth Asesu ddiweddar, gan ddibynnu ar natur y newid.

Cyn i chi ddechrau, cysylltwch â’r Gwasanaethau Ansawdd Academaidd neu Swyddog Ymgysylltu eich Coleg, a fydd yn gallu rhoi cyngor i chi ar yr ymagwedd orau.

Unwaith eich bod wedi’i chwblhau, cyflwynwch eich ffurflen i Bwyllgor Dysgu ac Addysgu eich Coleg i’w hadolygu.

Unwaith y bydd Pwyllgor Dysgu ac Addysgu’r Coleg wedi cymeradwyo’ch cynnig, dylech chi ei gyflwyno i quality@abertawe.ac.uk a chaiff ei ystyried gan y Pwyllgor Cymeradwyo Rhaglenni. Ni dderbynnir cynigion sydd heb eu cymeradwyo gan y Coleg yn gyntaf.

Oherwydd y gwahaniaethau mewn Rhaglenni Ymchwil Ôl-raddedig, ceir rhai mân wahaniaethau yn y broses ar gyfer diwygio rhaglenni ond, yn gyffredinol, mae’r broses yr un peth ag yw hi ar gyfer rhaglenni a addysgir. Rydym yn parhau i wella’r prosesau sicrhau a gwella ansawdd ar gyfer rhaglenni Ymchwil Ôl-raddedig er mwyn diogelu’r profiad i fyfyrwyr a rhoi trosolwg gwell.

Yn achos rhaglenni ymchwil ôl-raddedig sydd ag elfen a addysgir, mae’r un rheolau’n berthnasol o ran newidiadau i raglenni a modiwlau a amlinellir yn gynharach yn y Côd Ymarfer hwn. Yn achos rhaglenni sy’n cynnwys ymchwil yn unig, y canolbwynt fydd materion ynghylch strwythur, rheoli a phrofiad y myfyrwyr. Gall enghreifftiau o newidiadau gynnwys cyflwyno gyda phartner, newidiadau i strwythur neu leoliad cyflwyno (gan gynnwys dysgu o bell neu ddysgu cymysg). Os ydych yn dymuno datblygu rhaglenni ar y cyd, dwbl neu ddeuol, bydd hyn yn golygu rhaglen newydd a dylech chi ddilyn y broses Cymeradwyo Rhaglenni newydd ar gyfer rhaglenni Ymchwil Ôl-raddedig.

I wneud newidiadau sylweddol i Raglenni Ymchwil, bydd yn rhaid i chi gwblhau ffurflen Diwygio Rhaglen Bresennol. Hefyd, bydd yn rhaid i chi ddiweddaru’ch Manyleb Rhaglen drwy’r system Cymeradwyo a Rheoli Rhaglenni a gall fod angen i chi ddarparu Mapiau Cwricwlwm, Ffurflenni Modiwlau a Strategaeth Asesu ddiweddar, gan ddibynnu ar natur y newid.

Cyn i chi ddechrau, dylech chi gysylltu â’r Gwasanaethau Ansawdd Academaidd neu Swyddog Ymgysylltu’ch Coleg, a fydd yn gallu eich cynghori ar yr ymagwedd orau.

Unwaith eich bod wedi’i chwblhau, dylech chi gyflwyno’ch ffurflen i’r Pwyllgor Ymchwil i’w hadolygu.

Unwaith y bydd Pwyllgor Ymchwil y Coleg wedi cymeradwyo’ch cynnig, dylech chi ei gyflwyno i quality@abertawe.ac.uk a chaiff ei ystyried gan y Pwyllgor Cymeradwyo Rhaglenni.  Ni dderbynnir cynigion sydd heb eu cymeradwyo gan y Coleg yn gyntaf. 

ychwanegu cyfnod o symudedd myfyrwyr, bydd yn rhaid i chi gwblhau ffurflen Diwygio Rhaglen Bresennol. Hefyd, bydd yn rhaid i chi greu amrywiolyn o’r rhaglen newydd (os ydych yn ychwanegu blwyddyn) drwy’r system Cymeradwyo a Rheoli Rhaglenni, a gall fod angen i chi ddarparu Map Cwricwlwm a Strategaeth Asesu ddiweddar. Hefyd, bydd angen i chi greu neu ychwanegu’r modiwl sy’n berthnasol i’r cyfnod o waith neu astudio, gyda’r deilliannau dysgu a’r asesiadau priodol.

Cyn i chi ddechrau, dylech chi gysylltu â’r Gwasanaethau Ansawdd Academaidd neu Swyddog Ymgysylltu’ch Coleg, a fydd yn gallu eich cynghori ar yr ymagwedd orau. Hefyd, dylech chi gyfeirio at y rheoliadau a’r arweiniad ynghylch Cyfleoedd Symudedd Myfyrwyr a gynhwysir yn y Canllaw Academaidd, sy’n darparu fframwaith ar gyfer sicrhau ansawdd ac asesu symudedd.

Unwaith eich bod wedi’i chwblhau, dylech chi gyflwyno’ch ffurflen i’r Pwyllgor Ymchwil i’w hadolygu.

Unwaith y bydd Pwyllgor Dysgu ac Addysgu’r Coleg wedi cymeradwyo’ch cynnig, dylech chi ei gyflwyno i quality@abertawe.ac.uk a chaiff ei ystyried gan y Pwyllgor Cymeradwyo Rhaglenni. Ni dderbynnir cynigion sydd heb eu cymeradwyo gan y Coleg yn gyntaf.

Mae diwygio rhaglen gydweithredol bresennol (rhaglen a addysgir neu un ymchwil) yn dilyn y broses safonol a amlinellwyd yn gynharach, gyda’r amod ychwanegol y dylid cynnwys y sefydliad (sefydliadau) partner yn ystod newidiadau arfaethedig (boed y newidiadau hynny’n berthnasol gartref neu yn y sefydliad partner).

Yn achos  newidiadau y gall y Coleg eu cymeradwyo, diweddarwch y ddogfennaeth berthnasol (e.e. Ffurflen Modiwl) a chyflwynwch hon i Bwyllgor Dysgu ac Addysgu’ch Coleg fel y bo’n berthnasol, ynghyd â’r corff cyfatebol yn y sefydliad partner, i’w chymeradwyo.

Yn achos  newidiadau y mae angen i’r Brifysgol eu cymeradwyo, bydd yn rhaid i chi gwblhau ffurflen Diwygio Rhaglen Bresennol. Hefyd, bydd yn rhaid i chi ddiweddaru’ch Manyleb Rhaglen drwy’r system Cymeradwyo a Rheoli Rhaglenni, a gall fod angen i chi ddarparu Mapiau Cwricwlwm, Ffurflenni Modiwlau a Strategaeth Asesu ddiweddar, gan ddibynnu ar natur y newid. Gall fod angen i’r Bwrdd Partneriaethau Cydweithrediadol adolygu newidiadau os bydd  newidiadau i drefniadau partneriaeth.

Cyn i chi ddechrau, cysylltwch â’r Gwasanaethau Ansawdd Academaidd neu Swyddog Ymgysylltu’ch Coleg, a fydd yn gallu rhoi cyngor i chi ar yr ymagwedd orau.

Unwaith eich bod wedi’i chwblhau, cyflwynwch eich ffurflen i Bwyllgor Dysgu ac Addysgu eich Coleg i’w hadolygu.

Unwaith y bydd Pwyllgor Dysgu ac Addysgu neu Bwyllgor Ymchwil y Coleg wedi cymeradwyo’ch cynnig, dylech chi ei gyflwyno i quality@abertawe.ac.uk a chaiff ei ystyried gan y Pwyllgor Cymeradwyo Rhaglenni. Ni dderbynnir cynigion sydd heb eu cymeradwyo gan y Coleg yn gyntaf.

I ychwanegu partner neu bartneriaid at y broses o gyflwyno rhaglen, bydd yn rhaid i chi gwblhau ffurflen Diwygio Rhaglen Bresennol. Hefyd, bydd yn rhaid i chi greu amrywiolyn o’r rhaglen newydd (os ydych yn ychwanegu blwyddyn) drwy’r system Cymeradwyo a Rheoli Rhaglenni, a gall fod angen i chi ddarparu Map Cwricwlwm a Strategaeth Asesu ddiweddar. Os oes  newidiadau i’r rhaglen ei hun, bydd yn rhaid adlewyrchu’r rhain yn y Fanyleb Rhaglen ddiwygiedig hefyd – dilynwch y broses ar gyfer Diwygio Rhaglen Bresennol a amlinellir yn y Côd Ymarfer hwn.

Bydd angen i  bartneriaid presennol rydych am eu hychwanegu fod yn destun diwydrwydd dyladwy academaidd a chraffu o ran cyfleusterau ac adnoddau sy’n benodol i’r pwnc. Bydd angen i Fwrdd Partneriaethau Cydweithrediadol y Brifysgol gymeradwyo  partneriaid newydd, gan ddilyn y broses ar gyfer cymeradwyo partneriaid newydd.

Cyn i chi ddechrau, cysylltwch â’r Gwasanaethau Ansawdd Academaidd neu Swyddog Ymgysylltu’ch Coleg, a fydd yn gallu rhoi cyngor i chi ar yr ymagwedd orau.

Unwaith eich bod wedi’i chwblhau, cyflwynwch eich ffurflen i Bwyllgor Dysgu ac Addysgu eich Coleg i’w hadolygu.

Unwaith y bydd Pwyllgor Dysgu ac Addysgu’r Coleg wedi cymeradwyo’ch cynnig, dylech chi ei gyflwyno i quality@abertawe.ac.uk a chaiff ei ystyried gan y Pwyllgor Cymeradwyo Rhaglenni. Ni dderbynnir cynigion sydd heb eu cymeradwyo gan y Coleg yn gyntaf.

Newidir teitlau rhaglenni yn yr un modd ag y gwneir unrhyw ddiwygiad arall, ond dylech chi ymgynghori â’r tîm Gwybodaeth am y Farchnad i wneud yn siŵr y bydd y teitl newydd arfaethedig yn gwella’r potensial am recriwtio.

Bydd y Pwyllgor Cymeradwyo Rhaglenni a’r Aseswr Allanol yn sicrhau bod y teitl newydd arfaethedig yn parhau i fod yn academaidd ddichonadwy o ran cynrychioli cynnwys y rhaglen.

Gallwch – Os yw’r newidiadau hyn yn sylweddol ac yn newid natur, strwythur neu gynnwys cyffredinol y modiwl, bydd angen i’r Brifysgol eu cymeradwyo gan fod y modiwlau craidd a gorfodol yn darparu fframwaith y rhaglen, sy’n galluogi’r Brifysgol i sicrhau bod cwricwlwm ac uniondeb cyffredinol y rhaglen yn gadarn.

Yn achos rhaglenni sydd â modiwlau craidd neu orfodol dewisol, mae’r rheol hon yn berthnasol i fodiwlau dewisol. Dylid gweithredu’r holl newidiadau drwy’r system Rheolau Meysydd Llafur.

Gallwch – gall y Coleg newid a chymeradwyo modiwlau craidd drwy’r Pwyllgor Dysgu ac Addysgu a’u diweddaru drwy’r system Rheolau Meysydd Llafur, oni bai eu bod yn opsiynau gorfodol neu graidd.

Oes – gall newidiadau i fodiwlau effeithio ar y rhaglen gyfan felly mae angen cymeradwyo’r modiwlau pan gânt eu newid. Fodd bynnag, ar yr amod nad ydynt yn newidiadau sylweddol i fodiwlau craidd neu orfodol, gall Pwyllgor Dysgu ac Addysgu’r Coleg gymeradwyo’r rhain.

Caiff modiwlau eu diweddaru drwy adrannau Cynnal a Chadw Gwybodaeth am Fodiwlau neu Ffurflen Modiwl y system Cymeradwyo a Rheoli Rhaglenni. Gallwch  ddiweddaru’r modiwl presennol neu greu un newydd, sy’n haws yn achos newidiadau sylweddol. Dylid adolygu a diweddaru modiwlau’n flynyddol drwy’r broses Adolygu Ansawdd:Adolygiad Blynyddol Modiwlau.

Hefyd, bydd yn rhaid i chi ddiweddaru’ch Rheolau Meysydd Llafur i wneud yn siŵr bod eich modiwlau newydd neu ddiwygiedig wedi’u cynnwys.

Os nad allwch gael mynediad at y system, e-bostiwch quality@abertawe.ac.uk i gael cymorth.

Nac oes…. ond po fwyaf y modiwlau rydych yn eu newid, mwyaf y bydd naws gyffredinol y rhaglen yn newid, felly gall fod angen i’r Pwyllgor Cymeradwyo Rhaglenni gynnal adolygiad llawn ac ail-gymeradwyo er mwyn sicrhau y cynhelir ansawdd a safonau’r rhaglen.

Gellir newid modiwlau dewisol ar yr amod eu bod yn parhau i gefnogi strwythur ac athroniaeth gyffredinol y rhaglen radd. Gellir newid modiwlau craidd neu orfodol, ond y Gwasanaethau Ansawdd Academaidd neu’r Pwyllgor Cymeradwyo Rhaglenni fydd yn penderfynu a fydd y newidiadau arfaethedig yn newid natur gyffredinol y rhaglen radd ac yn effeithio ar yr integreiddiad cyfannol. Os bydd y newidiadau arfaethedig yn newid naws y rhaglen, yna bydd angen ail-gymeradwyo’r rhaglen er mwyn gweithredu’r newidiadau, gan ddibynnu ar raddfa’r newidiadau.  Bydd y Gwasanaethau Ansawdd Academaidd yn gallu’ch cynghori a’ch cefnogi o ran yr ymagwedd orau i’w chymryd.

Dylid diweddaru’r Fanyleb Rhaglen drwy adran Cynnal a Chadw Gwybodaeth am Raglenni’r system Cymeradwyo a Rheoli Rhaglenni, yn yr un modd â diweddariadau blynyddol rheolaidd fel rhan o’r broses Adolygu Ansawdd.

Gweler yr adran Adolygu Ansawdd i gael rhagor o wybodaeth am ddiweddaru’ch Manyleb Rhaglen ar y system Cymeradwyo a Rheoli Rhaglenni.

Bydd yn rhaid i chi sicrhau bod y fanyleb rhaglen ar y system Cymeradwyo a Rheoli Rhaglenni’n cael ei diweddaru i adlewyrchu’ch newid (newidiadau) arfaethedig, a’i bod yn gyflawn ac yn gyfoes ym mhob agwedd arall*. Yn ogystal â hynny, bydd angen i chi ddiweddaru a lanlwytho Strategaeth Asesu, Map Cwricwlwm a strwythur rhaglen ddiwygiedig a/neu  ffurflenni modiwlau newydd/diwygiedig.

Gweler yr adran Adolygu Ansawdd i gael rhagor o wybodaeth am ddiweddaru’ch Manyleb Rhaglen ar y system Cymeradwyo a Rheoli Rhaglenni.

*Rydym yn gweithio i sicrhau bod gan y system gymaint o wybodaeth â phosib ar hyn o bryd, ond bydd rhai meysydd y mae angen eu diweddaru.

Cynhelir y broses o Ddiwygio Rhaglenni Presennol ‘all-lein’ ar hyn o bryd, wrth i ni barhau i weithio ar y system Cymeradwyo a Rheoli Rhaglenni ar-lein ac rydym yn bwriadu ychwanegu’r broses o Ddiwygio Rhaglen Bresennol at y system ar-lein cyn gynted â phosib. Ar hyn o bryd, golyga hyn y bydd angen diweddaru’r Manylebau Rhaglenni ar-lein er mwyn cadw’r broses yn effeithlon, fel y byddech yn flynyddol fel rhan o’r broses Adolygu Ansawdd: Adolygiad Blynyddol Rhaglenni.

Rydym yn gweithio cyn gynted â phosib gyda’r Tîm Datblygu Systemau Busnes i integreiddio’n prosesau a’n systemau a byddwn yn rhoi’r wybodaeth ddiweddaraf am gynnydd yn y Côd Ymarfer hwn ac yn eich hysbysu pan fydd y system yn barod i’w lansio.

Cynhelir y broses Diwygio Rhaglenni Presennol ‘all-lein’ ar hyn o bryd.  Rydym yn parhau i ddatblygu’r system Cymeradwyo a Rheoli Rhaglenni ar-lein ac rydym yn bwriadu ychwanegu’r broses o Ddiwygio Rhaglen Bresennol cyn gynted â phosib. Byddwn yn rhoi’r wybodaeth ddiweddaraf am gynnydd yn y Côd Ymarfer hwn ac yn eich hysbysu pan fydd y system yn barod i’w lansio.

Cymeradwyir diwygiadau i raglenni presennol yn yr un modd â rhaglenni newydd drwy’r Pwyllgor Cymeradwyo Rhaglenni (a Phwyllgor Dysgu ac Addysgu’r Coleg). Diben hwn yw sicrhau y cynhelir safonau cyson yn yr holl raglenni a newidir, ac y parheir i ysgogi gwella ansawdd ar bob adeg.

Yn achos rhaglenni diwygiedig, mae’r broses yn gynt gan fod y rhaglenni’n peri llai o risg i’r Brifysgol.