Y Broses Datblygu a Chymeradwyo ar gyfer y Bartneriaeth / Rhaglen Gydweithredol Newydd

Ffurflen Prawf o Gysyniad: Fe’i datblygir gan Academydd Arweiniol y Coleg gyda chymorth gan Bennaeth y Coleg a’r Gyfarwyddiaeth Partneriaethau Academaidd.

Gwybodaeth y dylid ei chynnwys ar y ffurflen Prawf o Gysyniad:

• Arweinydd Academaidd;
• Yr Adran Academaidd y bydd y bartneriaeth wedi’i lleoli ynddi;
• Lefel, Teitl, Maes Pwnc, Dull Darparu a Hyd y bartneriaeth arfaethedig;
• Crynodeb byr o’r cynnig am bartneriaeth (pwy yw’r partner, sut y mae’r cyfle wedi codi, trosolwg gychwynnol o’r bartneriaeth arfaethedig, cydweddiad strategol (sut y mae’n bartneriaeth yn cyflawni amcanion strategol y Brifysgol/y Coleg);
• Costau a ragwelir am sefydlu a chyflawni’r bartneriaeth, a chynllun busnes sylfaenol (gan gynnwys incwm a chostau a awgrymir unwaith y bydd y bartneriaeth wedi’i sefydlu).
• Rhaid i’r Prawf o Gysyniad gael ei gefnogi gan Bwyllgor perthnasol yr Ysgol/y Coleg (h.y. y Pwyllgor Dysgu ac Addysgu neu Ymchwil). Rhaid iddo gael ei gefnogi gan Bennaeth y Coleg hefyd.

b): Cymeradwyaeth gychwynnol gan Brifysgol Abertawe

Wedyn bydd y ffurflen Prawf o Gysyniad wedi’i chwblhau yn cael ei hystyried gan y Bwrdd Rheoli Rhaglenni.

Os bydd y Prawf o Gysyniad yn cael ei gefnogi gan y Bwrdd Rheoli Rhaglenni, gwneir y canlynol:

• Prosesau diwydrwydd dyladwy llawn (cyfreithiol, ariannol a moesegol) yn cael eu cyflawni gan y Gyfarwyddiaeth Partneriaethau Academaidd;
• Ymweliad â safle’r partner (os yw’r Bwrdd Rheoli Rhaglenni/Bwrdd Partneriaethau Cydweithredol yn argymell hynny) a chwblhau Adroddiad ar Ymweliad â Safle;
• Cwblhau ffurflen Rhannu Cyfrifoldebau;
• Datblygu achos busnes llawn (gan y Coleg/yr Ysgol sy’n cynnig, gyda chymorth gan Bartner Busnes Cyllid y Coleg/yr Ysgol a’r Gyfarwyddiaeth Partneriaethau Academaidd);
• Cwblhau “Ffurflen Rhaglen Newydd/Ddiwygiedig” y Gwasanaethau Ansawdd Academaidd (gan y Coleg a’r Gyfarwyddiaeth Partneriaethau Academaidd).

Mae’r tabl canlynol yn nodi’r camau nesaf yn y broses gymeradwyo.