Caiff pob rhaglen ei chymeradwyo am gyfnod o bum mlynedd fel arfer.
Mae’n ofynnol i’r cohort cyntaf o fyfyrwyr gofrestru ar raglen a gymeradwywyd o fewn 24 mis i gymeradwyo’r rhaglen (sy’n caniatáu amser dirwyn sylweddol i sicrhau bod rhaglenni’n cael eu lansio gyda chyfradd recriwtio lwyddiannus).
Mewn achosion lle nad yw hyn yn digwydd, a/neu lle nad oes unrhyw un wedi cofrestru ar y rhaglen am dair sesiwn academaidd olynol, bydd y rhaglen yn cael ei hystyried ar gyfer ei thynnu’n ôl a rhaid iddi gael ei hailgymeradwyo cyn unrhyw weithgarwch recriwtio yn y dyfodol.
Bydd y broses Adolygu Ansawdd yn adolygu ac yn ailgymeradwyo rhaglenni yn y rhan fwyaf o achosion eraill, oni bai fod newidiadau sylweddol i raglenni’n ofynnol, ac os felly byddant yn cael eu hadolygu gan y Pwyllgor Cymeradwyo Rhaglenni dan y broses Diwygio Rhaglen Bresennol.
Sut a Phryd y mae Codau Rhaglenni’n cael eu Dyrannu?
Ar ôl iddynt gael eu cymeradwyo i’w datblygu gan y Bwrdd Rheoli Rhaglenni, bydd cod Rhaglen Prifysgol yn cael ei ddyrannu i bob rhaglen, a bydd cod UCAS yn cael ei ddyrannu iddynt ar ôl cymeradwyaeth derfynol gan y Pwyllgor Cymeradwyo Rhaglenni. Mae’r broses hon yn awtomatig ar gyfer rhaglenni a gyflwynir trwy’r system Cymeradwyo a Rheoli Rhaglenni ar-lein.
Beth y mae Angen i mi ei Wneud Unwaith y mae fy Rhaglen wedi cael ei Chymeradwyo?
Unwaith y mae eich rhaglen wedi cael ei chymeradwyo gan y Pwyllgor Cymeradwyo Rhaglenni ac wedi cael ei chadarnhau gan y Pwyllgor Safonau ac Ansawdd Academaidd, bydd angen i chi gwblhau’r camau canlynol cyn i’r cohort cyntaf o fyfyrwyr gyrraedd.
- Sicrhau y penodir Arholw(y)r Allanol priodol
- Marchnata a hyrwyddo’r rhaglen a recriwtio myfyrwyr
- Sicrhau bod tudalennau gwe’r Rhaglen yn cael eu creu, eu bod yn gywir ac yn cael eu lansio (gan gynnwys tudalennau’r Set Wybodaeth Allweddol)
- Sicrhau bod llawlyfrau perthnasol ar gyfer myfyrwyr yn cael eu cwblhau ac y trefnir eu bod ar gael
- Sicrhau bod Bwrdd Astudiaethau ar gael i reoli’r rhaglen
- Sicrhau bod tudalennau Blackboard priodol ar gyfer modiwlau yn cael eu creu a’u poblogi.
- Sicrhau bod unrhyw fentoriaid neu oruchwylwyr allanol yn cael eu penodi a’u hyfforddi
- Yn achos Rhaglen Gydweithredol/Rhaglenni Cydweithredol â lleoliadau – sicrhau y rhoddir digon o hyfforddiant i bartneriaid ar reoliadau a gweithdrefnau Prifysgol Abertawe.
< Y Pwyllgor Cymeradwyo Rhaglenni (PCRh) | Datblygu Rhaglen gyda Phartner (Rhaglenni Cydweithredol) >